ბოლო ხანებში მნიშვნელოვანი ყურადღება ეთმობა ავიაციასთან ბრძოლის საკითხს, თუმცა ძირითადად აქცენტი კეთდება საჰაერო სამიზნის აღმოჩენასა და მის განადგურებაზე.

არანაკლებ მნიშვნელოვანია იმ არხების ჩახშობა/ბლოკირება, რომლებიც უზრუნველყოფენ ავიაციის სამიზნეზე ზუსტ გაყვანას.

თქვენი ყურადღება მინდა შევაჩერო უკრაინული წარმოების მოიერიშე ავიაციის სამიზნეზე გაყვანის რადიოკავშირის ჩახშობისა და ხარვეზების დაყენების მიწისზედა მობილურ კომპლექს "ლიმან"-ზე.

კომპლექსის დანიშნულებაა საჯარისო ნაწილებისა და მიწისზედა ობიექტების დაცვა საჰაერო იერიშებისგან, მოწინააღმდეგის ავიაციის სამიზნეზე გაყვანის არხების ბლოკირება/ჩახშობის გზით 225–400 და 960–1215 მჰც სიხშირულ დიაპაზონში.

კომპლექსის შემადგენლობა:

მართვის სადგური;
4-6 ერთეული 225–400 მჰც დიაპაზონის ჩახშობის სადგური;
4-6 ერთეული 960–1215 მჰც დიაპაზონის ჩახშობის სადგური.

ჩამხშობი სადგურების რაოდენობა დამოკიდებულია დასახულ ამოცანასა და ოპერატიულ-ტაქტიკურ ვითარებაზე.

კომპლექსს შეუძლია, როგორც ცენტრალიზებულ რეჟიმში მუშაობა (ზემდგომი მართვის პუნქტიდან ინფორმაციის მართვის სადგურის საშუალებით მიღება და დამუშავება), ასევე ავტონომიურად.

არსებობს მუშაობის ორი რეჟიმი: პასიური და აქტიური.

პასიურ რეჟიმში კომპლექსი ახდენს რადიოკავშირის არხების გამოვლენას, მისი პარამეტრების ანალიზს და კლასიფიკაციას.

აქტიურ რეჟიმში კომპლექსი ახდენს ხარვეზების დაყენებას მანამდე გამოვლენილ რადიოკავშირის სიხშირეებზე.

რადიოჩახშობის ობიექტები:

100-400 მჰც სიხშირულ დიაპაზონში - ყველა სახის ულტრამოკლე რადიოტალღებზე მომუშავე რადიოკავშირის არხები, რომლებიც შეიძლება გამოყენებულ იქნას

საავიაციო ეკიპაჟების ურთიერთქმედებისათვის
საჰაერო ბაზირების და მიწისზედა სამეთაურო პუნქტებიდან მოიერიშე ავიაციის სამიზნეზე გაყვანისათვის
მეწინავე ავია-მეთვალთვალის მიერ მოიერიშე ავიაციის სამიზნეზე გაყვანისათვის